Isang Kidlat na KagalakanHalimbawa

Si Jehoshafat ay isa sa mga mabubuting tao ng kanyang henerasyon. Mahusay niyang isinaayos ang kaharian sa pagpapairal ng hustisya rito. Bilang lingkod ng Diyos, hinimok niya ang mga taong pinamumunuan na katakutan at sundin ang Diyos nang buong-puso. H-m-m-m ... sana'y makahanap tayo ng isang lider na kagaya niya ngayon!

Namumuhay si Jehoshafat nang wasto at may integridad nang bigla na lamang WHAM! Hindi inaasahang nilusob sila ng mga kalaban na naghahamon ng digmaan sa kanyang mapayapang kaharian. Ang lakas ng loob ng mga kalaban!

Ang lakas din ng loob ng mga kaaway mo! Tayong lahat ay humaharap sa mga bigating kaaway at may matututunang isa o dalawang bagay mula sa batang Haring Jehoshafat. Hinanap ni Jehoshafat ang Panginoon. Hindi na siya nagsayang ng panahon na mag-alala o sisihin ang Diyos. Pinagpasiyahan ni Jehoshafat na ituon sa Panginoon ang kanyang paningin sinumang kalaban ang sumugod sa teritoryo ng Juda.

Kung nais mong mapagwagian ang laban ng kagalakan, itutuon mo ang iyong mga mata sa Panginoon. Hindi ka magsasayang ng panahon na mag-alala o mabahala. Pagpapasiyahan mo sa iyong puso na ibigay nang buo at walang-kahati ang pagsasaalang-alang sa Panginoon anuman ang mangyari.

Kadalasan kapag tayo ay nasa labanan, ang tangi nating bukambibig ay ang pakikipaglaban ... ang kanser ... ang kakulangan ng salapi ... ang kakutya-kutyang asal ng aking biyenan ... ang kasuwailan ng aking anak. Pag-usapan mo ang Panginoon kapag ikaw ay nasa labanan! Pumili ng talata sa Biblia at manindigan dito!