Oswald Chambers: Kagalakan - Kalakasan sa PanginoonHalimbawa

Lahat ng antas ng kagalakan ay nananahan sa puso. Paanong ang isang Cristiano ay mapupuno ng kasayahan (kung ang kasayahan ay nakasalalay sa mga pangyayari) kung siya ay nasa mundo kung saan ginagawang lahat ng diablo upang ilayo ang mga kaluluwa mula sa Diyos, kung saan ang katawan ng mga tao ay pinahihirapan, kung saan ang ilan ay inaapi-api at hindi nabibigyan ng pagkakataon? Ang maging masaya sa ganitong kondisyon ay pinaka kahabag-habag na pagkamakasarili, Ngunit ang isang pusong puno ng kagalakan ay hindi kailanman isang panlalait, at ang kagalakan ay hindi naaapektuhan ng mga panlabas na kalagayan.

Napakaraming binabanggit ang Biblia tungkol sa kagalakan, ngunit wala kang mababasa rito tungkol sa isang "masayang" Cristiano. Ang kasiyahan ay nakasalalay sa mga nangyayari; ngunit ang kagalakan ay hindi ganito. Tandaan, may kagalakan si Jesu-Cristo, at ipinanalangin Niyang "maganap ang kagalakan Ko sa kanilang mga buhay."

Mga Katanungang Pagmumuni-munian: Ano ang proporsyon ng kagalakan kumpara sa kasiyahan sa buhay ko? Gaano kadalas kong hinahayaan ang mga pangyayaring magpasya sa aking kondisyon? Gaano kadalas akong may kagalakan?

Ang mga sipi ay nagmula sa Biblical Psychology, © Discovery House Publishers