Oswald Chambers: Kagalakan - Kalakasan sa PanginoonHalimbawa

Ano nga ba ang kagalakan ng Panginoong Jesu-Cristo? Ang kagalakan Niya ay ang ganap na matapos ang gawaing ibinigay ng Kanyang Ama upang gawin Niya; at ang parehong uri ng kagalakan ay ipinagkakaloob sa bawat lalaki at babaeng anak ng Diyos at Kanyang pinabanal, kapag kanilang tinupad ang gawaing ibinigay sa kanila ng Diyos. Ano ang gawaing iyon?

Ang maging isang banal, isang lumalakad, nagsasalita, buhay, at praktikal na kalatas na nagpapahayag tungkol sa magagawa ng Makapangyarihang Diyos sa pamamagitan ng Pagbabayad-sala ng Panginoong Jesu-Cristo—kaisa sa pagkakakilanlan sa pananampalataya ni Jesus, kaisa sa pagkakakilanlan sa pag-ibig ni Jesus, kaisa sa pagkakakilanlan sa Espiritu ni Jesus hanggang tunay ngang kaisa Niya na tayo kung kaya ang panalangin ng punong-pari ay hindi lamang nagsisimulang masagot, kundi ito ay malinaw na nagpapahayag sa pagsagot nito—"maging isa nawa sila, gaya Natin."

Nagbigay si Job ng pagpapahayag tungkol sa isang bagong kabatiran tungkol sa Diyos; umaasa siyang magkakaroon ng isang tagapamagitan na hindi lamang magbibigay-katwiran sa Diyos, kundi magbibigay-katwiran din para sa kanya. Ang kalungkutan ang nagdala kay Job sa kalagayang ito, at tanging kalungkutan lamang ang makagagawa nito; hindi ang kagalakan, maging ang kariwasaan, kundi ang kalungkutan.

Mga Katanungang Pagmumuni-munian: Sa anong mga paraan ko sinusubukang hanapin ang kagalakan kapag hindi ako lumalakad at nagsasalitang katulad ni Jesus? Paano ko naiisip na ito ay maaari?

Ang mga sipi ay mula sa Approved Unto God and Baffled to Fight Better, © Discovery House Publishers