Oswald Chambers: Kagalakan - Kalakasan sa PanginoonHalimbawa

Lahat ng madilim at malabo sa ngayon isang araw ay magiging kasing-linaw, kasing liwanag at buong kasiyahang makikita, tulad ng kapirasong nakita na natin. Kaya nga pinapayuhan tayo ng Diyos na maging matiyaga. Unti-unti ang lahat ay magiging malinaw hanggang maunawaan natin ang mga ito tulad ng pagkaunawa ni Jesu-Cristo. Ang buong kawalang hanggan ay mabibighani sa pag-unawa at pagkilala sa Diyos, at salamat sa Diyos, maaari na nating simulang makilala Siya dito sa mundo. Ang ibig sabihin ng buhay na ginawang banal ay nagsisimula tayong maunawaan ang Diyos at maihayag ang buhay ng Anak ng Diyos sa ating lupang katawan.

Pinupuno tayo ng hindi mailarawang kagalakan ng bawat kaalamang mayroon tayo tungkol sa Diyos. Kung nauunawaan natin ang Diyos sa kahit anong isang bahagi, malalaman natin ang kagalakang nagkaroon si Jesus. Ito ay kahanga-hangang pag-aari, ito ay likas kay Jesus.

Mga Katanungang Pagmumuni-munian: Nasisiyahan ba ako sa mabagal na pagpapahayag ng Diyos o naiinip sa Kanyang kawalan ng pagmamadali? Kung ang Diyos ay hindi nagmamadali, bakit kailangan kong magmadali? Paano akong masisiyahan sa kaalaman kung hindi ako nasisiyahan sa pagtuklas?

Ang mga sipi ay nagmula sa Our Brilliant Heritage, © Discovery House Publishers