எலிசா: ஒரு வினோதமான விசுவாசத்தின் வரலாறுமாதிரி

2 இராஜாக்கள் 6:24ல் துவங்கி 7ம் அதிகாரம் முடிவு வரையில் கர்த்தர் எலிசாவை எவ்வாறாக ஜனங்களின் தேவைகளை நிறைவேற்ற பயன்படுத்தினார் என்ற ஒரே பொதுவான மையக்கருத்தாக உள்ளது. இந்த பகுதியில் சீரிய ராஜா முற்றிக்கை போட்டதால் இஸ்ரவேலில் கொடிய பஞ்சமுண்டாயிற்று. கர்த்தர் மிக அதிகமான உணவு வழங்கப் போவதால் உணவின் விலை மிகவும் சொற்பமாகும் என்று எலிசா தீர்க்கதரிசனமாக கூறினான். அதன் விளைவாக நடப்பதும் எலிசாவின் வாழ்வில் நடந்த ஒரு வினோதமான நிகழ்ச்சியே. சீரிய இராணுவம் தங்கள் கூடாரங்களையும் தங்கள் பலசரக்குகளையும் அவைகள் இருந்த பிரகாரமாக விட்டு, கேலிக்கிடமாகும்படி ஓடிப்போனார்கள். மீண்டுமாக இஸ்ரவேலரின் தேவைகளை கர்த்தர் சந்திக்கிறார். கர்த்தர் தம் ஜனத்துக்கு ஆதரவானவர், உங்களுக்கும் அவரே ஆதரவு.

நீங்கள் தேவையிலிருந்த காலங்களை நினைத்துப் பாருங்கள். இஸ்ரவேலருக்கு செய்தது போல உங்கள் தேவைகளையும் சந்திக்க கர்த்தர் உதவின விதங்களை நினைத்துப் பாருங்கள். தேவன் தம்முடைய ஐசுவரியத்தின்படி உங்கள் குறைவையெல்லாம் கிறிஸ்து இயேசுவுக்குள் மகிமையிலே நிறைவாக்குவார் என்று பிலிப்பியர் 4:19ல் கூறப்பட்டுள்ளது. அந்த வாக்குத்தத்தம் பல ஆயிரம் ஆண்டுகளுக்கு முன்னர் இஸ்ரவேலருக்கு உண்மையாயிருந்தது போலவே இன்றும் உங்கள் வாழ்வில் உண்மையாகவே உள்ளது. கர்த்தர் உங்களை கைவிட மாட்டார்; உங்களது தேவைகள் சிறியதாகவோ பெரியதாகவோ இருப்பினும் அவர் அவற்றை நிறைவு செய்ய உதவுவார். எந்த வழிமுறைகளில் கர்த்தர் உங்கள் வாழ்வின் தேவைகளை தொடர்ந்து நிறைவேற்றுவதை கண்டிருக்கிறீர்கள்?