Soma Biblia Kila Siku 03/2025Mfano

“Ee nguvu zangu, nitakuimbia kwa furaha, maana Mungu ndiye aliye ngome yangu”(m. 17). Zaburi hii huonyesha usujudiaji mkubwa. Ina udhihirisho mkubwa wa moyo uliojaa ibada ya kweli kwa Mungu. Ni Mungu pekee anayepaswa kuabudiwa, kwa msingi wa kile kimfanyacho kuwa vile alivyo katika asili yake. Ila haitoshi kuishia hapo. Mungu anastahili kusifiwa kwa mambo makubwa anayofanya kwa watu wake. Rudia m.16-17 ukifanya maneno haya kuwa maombi yako leo. Ongeza tu mifano ya Mungu alivyokuwa ngome yako.“Nitaziimba nguvu zako asubuhi[mifano yako], nitaziimba fadhili zako kwa furaha[mifano yako]. Kwa kuwa ndiwe uliyekuwa ngome yangu, na makimbilio siku ya shida yangu [mifano yako]. Ee nguvu zangu, nitakuimbia kwa furaha, maana Mungu ndiye aliye ngome yangu, Mungu wa fadhili zangu[mifano yako]”.