Soma Biblia Kila Siku 03/2025Mfano

Maisha ni kama safari. Hutokea tunapita katika misukosuko na shida mbalimbali, kama vile vita, magonjwa, kukataliwa n.k. Mambo ya jinsi hiyo hufanya watu kujiuliza, Ni laana? Je, tumekataliwa na Mungu? Bila kujali mtu anavyojibu swali hilo, zaburi hii inatia moyo. Israeli waliipitia hali kama hiyo ya vita kila upande, wakajisikia kuzama. Lakini haikuwazuia kumwomba Mungu awasaidie, wala haikumzuia Mungu kuwaopoa:Umewapa wakuogopao bendera, ili itwekwe kwa ajili ya kweli. Ili wapenzi wako waopolewe, uokoe kwa mkono wako wa kuume, utuitikie.Mungu ametupa msalaba kama bendera ili tujue mahali pa kukimbilia na kuokoka.