Soma Biblia Kila Siku 05/2024Mfano

Matakwa ya wana wa Israeli yalimfanya Haruni amwasi Mungu na kujivunjia heshima ya utumishi wake mtakatifu. Kama Haruni angelikataa wazo la watu, taifa zima lisingelitenda uovu ule. Viongozi, wawe wa kanisa ama serikali, wajilinde wasiwasikilize watu kuliko Mungu, ili wasiwe sababu ya kanisa na taifa kutenda dhambi. Musa alitaka kujitoa ili Waisraeli wasamehewe. Katika m.31-32 anaomba:Aa! watu hawa wametenda dhambi kuu, wamejifanyia miungu ya dhahabu. Walakini sasa, ikiwa utawasamehe dhambi yao – na kama sivyo, unifute, nakusihi, katika kitabu chako ulichoandika. Lakini uovu wa mtu, familia, kanisa na taifa hausamehewi na kiongozi wa kidini, bali kwa kuomba msamaha kwa Yesu!