Soma Biblia Kila Siku 05/2024Mfano

Yohana Mbatizaji ni nabii wa mwisho wa Agano la Kale, tena ni mkuu kuliko manabii wengine, kwa sababu amepewa wajibu wa pekee wa kumtengenezea Bwana mwenyewe njia. Kazi ya Yohana ilileta uamsho mkubwa kwa Wayahudi, watu walimjia kwa wingi, kama ilivyoelezwa katika m.12:Tangu siku za Yohana Mbatizaji hata sasa ufalme wa mbinguni hupatikana kwa nguvu, nao wenye nguvu wauteka. Lakini pamoja na Yesu yanaanza majira mapya ambayo ni kutimizwa kwa maneno yote ya manabii. Ni majira ya ufalme wa Mungu kukaribia kwetu.Aliye mdogo katika ufalme wa Mungu, maana yake ni mwanafunzi wa Yesu. Ndivyo anavyoeleza wazi katika Mt 10:42:Mtu awaye yote atakayemnywesha mmojawapo wa wadogo hawa ngaa kikombe cha maji ya baridi, kwa kuwa ni mwanafunzi, .... Yesu anamaanisha kuwa wanafunzi wake ni wakubwa kuliko Yohana.