Soma Biblia Kila Siku /Novemba 2023Mfano

Paulo ameandika 14:1-15:13 kwa ujasiri ili kuwakumbusha. Hata hivyo anaamini kwamba wao wenyewe wanaweza kuonyana, maana wamekomaa katika imani (m.14-15:Ndugu zangu, nimehakikishwa mimi mwenyewe kwa habari zenu ya kuwa ninyi nanyi mmejaa wema, mmejazwa elimu yote, tena mwaweza kuonyana. Lakini nawaandikia, kwa ujasiri zaidi katika sehemu za waraka huu, kana kwamba kuwakumbusha, kwa neema ile niliyopewa na Mungu). Paulo alijitoa sana kwa huduma ya Injili ili atimize wajibu aliopewa na Mungu ya kuwa Mtume wa Yesu Kristokwa Mataifa(unaweza kusoma zaidi kwa kulinganisha m.16-19 na Mdo 9:15 na 20:24). Alijitahidi sana kuhubiri Injili sehemu zote za ulimwengu uliojulikana kwa wakati ule, yaani Utawala wa Warumi (m.19b-21). "Iliriko" (m.19) ni eneo la bara Ulaya. Lengo sasa ni Spania (m.28).