Soma Biblia Kila Siku /Novemba 2023Mfano

Mimi Tertio, niliyeandika waraka huu, nawasalimu katika Bwana(m.22). Huyu Tertio alikuwa karani wake Paulo wakati wa kuandika barua hii. Mara mbili Paulo hurudia maneno haya:Neema ya Bwana wetu Yesu Kristo na iwe pamoja nanyi(m.20, 24).Ni neema hiyo ambayo ameielezea kwa bidii na ujuzi katika barua hii. Ni neema kubwa ajabu! Kwa hiyo anamalizia barua kwa kumtukuza Mungu aliyetufunulia neema yake hiyo:Atukuzwe yeye awezaye kuwafanya imara, sawasawa na injili yangu na kwa kuhubiriwa kwake Yesu Kristo, sawasawa na ufunuo wa ile siri iliyositirika tangu zamani za milele,ikadhihirishwa wakati huu kwa maandiko ya manabii, ikajulikana na mataifa yote kama alivyoamuru Mungu wa milele, ili waitii Imani.Ndiye Mungu mwenye hekima peke yake. Utukufu una yeye kwa Yesu Kristo, milele na milele. Amina(m.25-27)! Tafadhali, ndugu msomaji, amini neema iliyofunuliwa katika Yesu Kristo (m.26)!