Soma Biblia Kila Siku /Novemba 2023Mfano

Waangalieni wale wafanyao fitina na mambo ya kukwaza kinyume cha mafundisho mliyojifunza; mkajiepushe nao(m.17). Mafundisho tuliyojifunza ni yapi? Ni mafundisho ya Paulo na mitume wengine. Wao walipewa madaraka ya pekee ya Bwana Yesu mwenyewe ya kujenga msingi wa imani ya Kikristo (katika Efe 2:20 imeandikwa kwamba Kanisa, yaani wamwaminio Yesuwamejengwa juu ya msingi wa mitume na manabii, naye Kristo Yesu mwenyewe ni jiwe kuu la pembeni).Lakini huyo Masidizi, huyo Roho Mtakatifu ... atawafundisha yote, na kuwakumbusha yote niliyowaambia(Yn 14:26).Atawaongoza awatie kwenye kweli yote; kwa maana hatanena kwa shauri lake mwenyewe, lakini yote atakayoyasikia atayanena, na mambo yajayo atawapasha habari yake. Yeye atanitukuza mimi, kwa kuwa atatwaa katika yaliyo yangu na kuwapasha habari(Yn 16:13-14). Mafundisho yao tunayo katika Agano Jipya! Tuyashike na kuyatii!