Soma Biblia Kila Siku /Novemba 2023Mfano

Yethro anamshauri Musa jinsi ya kuboresha uongozi wa Waisraeli kwa njia ya kuchagua watu watakaomsaidia. Tafakari sifa wanazotakiwa kuwa nazo kwa kurudia m.21! Musa alikubali ushauri, na inaonekana uongozi huu wa pamoja uliimarisha taifa. Ndivyo Kristo anavyoongoza mwili wake, yaani Kanisa lake (Efe 4:11-12: [Kristo Yesu]alitoa wengine kuwa mitume, na wengine kuwa manabii; na wengine kuwa wainjilisti na wengine kuwa wachungaji na waalimu;kwa kusudi la kuwakamilisha watakatifu, hata kazi ya huduma itendeke, hata mwili wa Kristo ujengwe). Kusudi la uongozi ni moja: kulijenga Kanisa; na hapo ni muhimu achangie kila mmoja aliye kiungo katika mwili wa Kristo.Katika yeye mwili wote ukiungamanishwa na kushikanishwa kwa msaada wa kila kiungo, kwa kadiri ya utendaji wa kila sehemu moja moja, huukuza mwili upate kujijenga wenyewe katika upendo(Efe 4:16). Je, uko pale anapotaka Kristo kukutumia?