Soma Biblia Kila Siku /Novemba 2023Mfano

Wana wa Israeli hawakuacha kulalamika. Walimnung’unikia Musa,Mbona umetupandisha kutoka Misri, kutuua sisi na watoto wetu na wanyama wetu kwa kiu?(m.3) Musa anawasilisha kilio chao kwa Mungu anayetoa maagizo ya kupiga mwamba kwa fimbo, ambayo ni zana ya kazi, ili utoe maji. Baraka ya maji ikatokea. Kwa mwujiza huu tutambue Mungu yupo na kumwamini. Maana ya jina la Masa ni “kujaribu”, wakati Meriba linamaanisha “kugombana”. Habari yake ipo ili tusifanye kama wana wa Israeli. Baadaye, katika Zab 95:8, watu wa agano la kale walionywa:Msifanye migumu mioyo yenu; Kama vile huko Meriba Kama siku ya Masa jangwani. Hapo waliponijaribu baba zenu, Wakanipima(Zab 95:8). Onyo hili linarudiwa katika Ebr 3:8 kwa ajili yetu, watu wa agano jipya:Msifanye migumu mioyo yenu, Kama wakati wa kukasirisha, Siku ya kujaribiwa katika jangwa.