Pata programuSoma Biblia Kila Siku /Novemba 2023Mfano
Mungu huongoza watu wake wakati wote. Siku tatu baada ya Israeli kuvushwa baharini, walikosa maji, na kwa mara nyingine wakamlalamikia Musa. Musa akamlilia Mungu, na Mungu akawapa maji na mahali salama pa kupumzika (m.25 na 27:Bwana akamwonyesha mti, naye[Musa]akautia katika hayo maji, maji yakawa matamu. … Wakafikilia Elimu, palipokuwa na chemchemi kumi na mbili, na mitende sabini; wakapanga hapo, karibu na maji. Musa akawakumbusha Israeli wamtegemee Mungu katika hali zote wakiisikia sauti yake na kuifuata (m.26:Utaisikiza kwa bidii sauti ya Bwana, Mungu wako, na kuyafanya yaliyoelekea mbele zake, na kutega masikio usikie maagizo yake, na kuzishika amri zake, mimi sitatia juu yako maradhi yo yote niliyowatia Wamisri; kwa kuwa Mimi ndimi Bwana nikuponyaye). Tunaweza kulalamika wakati wote na kwa jambo lolote; lakini tusisahau mambo makubwa ambayo Mungu ametutendea. Je, uko tayari kumfuata Bwana wakati wote?
Andiko
Kuhusu Mpango huu
Soma Biblia Kila Siku /Novemba 2023 ni mpango mzuri wa kusoma biblia kila siku sehemu kwa sehemu kwa mwezi wa Novemba pamoja na maelezo mafupi ya kukusaidia kutafakari somo ulilosoma. Katika mpango huu utasoma zaidi kitabu cha Kutoka na Warumi. Karibu kujiunga na mpango huu
More
Tungependa kuwashukuru Soma Biblia kwa kutoa mpango huu. Kwa habari zaidi, tafadhali tembelea: https://www.somabiblia.or.tz/
