Soma Biblia Kila Siku Disemba/2022Mfano

Daudi alifanya dhambi ya zinaa na mke wa Uria, na baadaye alimwua Uria ili kuficha aibu. Hata hivyo Mungu alifichua kabisa dhambi yake (unaweza kujisomea habari zote katika 2 Sam 11:1-12:7). Tunaona huzuni ya Daudi baada ya kutambua dhambi yake. Anaomba fadhili za Mungu ili makosa yake yafutwe: Ee Mungu, unirehemu, Sawasawa na fadhili zako. Kiasi cha wingi wa rehema zako, Uyafute makosa yangu. Unioshe kabisa na uovu wangu, Unitakase dhambi zangu. Maana nimejua mimi makosa yangu Na dhambi yangu i mbele yangu daima (m.1-3). Tunajifunza kwamba tusifiche dhambi. Dawa ya dhambi ni kutubu, kwani Yesu alikuja ulimwenguni kutafuta na kuokoa waliopotea (Lk 19:10). Fikiria, Daudi alisamehewa dhambi zake mbaya sana! Nawe utasamehewa ukitubu!