Soma Biblia Kila Siku Disemba/2022Mfano

Leo Yesu hutufundisha mambo mawili: 1. Tusiwe watumwa wa mali. Mtu anayelenga kuongeza tu mali yake, hawezi kumtumikia Mungu, maana mali imekuwa bwana wake. Hata atajaribiwa kutumia udhalimu ili kuongeza mali yake. Ndivyo Yesu anavyokumbusha katika m.10-12: Aliye mwaminifu katika lililo dogo sana, huwa mwaminifu katika lililo kubwa pia; na aliye dhalimu katika lililo dogo, huwa dhalimu katika lililo kubwa pia. Basi, kama ninyi hamkuwa waaminifu katika mali ya udhalimu, ni nani atakayewapa amana mali ya kweli? Na kama hamkuwa waaminifu katika mali ya mtu mwingine, ni nani atakayewapa iliyo yenu wenyewe (m.10-12; ukipenda, linganisha na 1 Tim 6:7-10). Lakinini ijulikane kuwa hamwezi kumtumikia Mungu na mali (m.13). 2. Tutumie mali yetu, vyote tulivyo navyo, kwa kumtumikia Mungu. Tusiige udhalimu wa yule wakili mbaya, bali tuwe na ukarimu. Tujifunze busara ya kujifanyia rafiki ili wapate kumjua Yesu. Ni jambo la kudumu!m.9 unaeleza vizuri: Jifanyieni rafiki kwa mali ya udhalimu, ili itakapokosekana wawakaribishe katika makao ya milele.