Soma Biblia Kila Siku Oktoba 2021Mfano

Je, umejisikia kuwa mtu aliyesahauliwa na Mungu? Basi, bila shaka unajisikia nyumbani ukisoma kilio hiki cha Daudi. Katika m.3 lipo ombi zuri wakati mioyo yetu inafadhaika, Ee BWANA, ... uyatie nuru macho yangu. Hivyo tu tutapewa kuona ukweli wa ushuhuda wa Daudi kwamba yupo Mungu anayetusaidia wakati wa mateso ili tuweze kufanya kama Daudi, akisema, Nami nimezitumainia fadhili zako; Moyo wangu na uufurahie wokovu wako. Naam, nimwimbie Bwana, Kwa kuwa amenitendea kwa ukarimu (m.5-6). Jaribu kukumbuka Mungu alivyomtendea Daudi kwa ukarimu. Je, hajawahi kukutendea vivyo hivyo? Basi, uendelee kuzitumaini fadhili za Mungu, nao moyo wako utaufurahia wokovu wake.