Pata programuSoma Biblia Kila Siku Oktoba 2021Mfano
Mfalme Daudi aligundua mbinu ya Yoabu, akasema, Je! Si mkono wa Yoabu ulio pamoja nawe katika haya yote? (m.19). Hata hivyo Yoabu alifanikiwa, maana Daudi alimruhusu Absalomu kurudi Yerusalemu (m.21). Ila Daudi bado hakutaka kuonana naye. Mfalme akasema, Ageukie nyumbani kwake, asinione uso wangu. Basi Absalomu akarejea nyumbani kwake, asimwone uso mfalme (m.24). Sasa, katika Israeli wote hapakuwa na mtu hata mmoja mwenye kusifiwa kwa uzuri wake kama huyo Absalomu ... hapakuwa na ila kwake (m.25). Watu waliangalia sana sura ya nje. Huenda wengi walifikiri kwamba huyu ndiye atakayefaa kuwa mfalme wao baadaye. Ila kwanza ilimbidi Absalomu asamehewe na baba yake. Anamwomba Yoabu amsaidie, na Daudi anakubali kumwita. Naye alipomwita Absalomu, yeye akaja kwa mfalme, akainama kifulifuli hata nchi mbele ya mfalme; naye mfalme akambusu Absalomu (m.33)!
Andiko
Kuhusu Mpango huu
Soma Biblia Kila Siku Oktoba 2021 ni mpango mzuri wa kusoma biblia sehemu kwa sehemu kila siku kwa mwezi wa oktoba, pamoja na ufafanuzi mfupi wa kukusaidia kuelewa na kutafakari zaidi Neno la Mungu. Katika mpango huu utasoma zaidi Zaburi, 2 Samweli na Ufunuo. Karibu kujiunga na mpango huu.
More
Tungependa kuishukuru Soma Biblia kwa kutoa mpango huu. Kwa habari zaidi, tafadhali tembelea: http://www.somabiblia.or.tz/
