Soma Biblia Kila Siku 08/2020Mfano

Maovu ya kitaifa yaleta hukumu za kitaifa zinazolingana na uovu wa raia. Watakaosalia kwenye hukumu ya Mungu juu ya Yerusalemu, watapelekwa Babeli kama uthibitisho wa haki ya hukumu hiyo (m.22: Tazama, watasalia mabaki watakaochukuliwa nje, wana na binti; tazama, watawatokea ninyi, nanyi mtaiona njia yao na matendo yao; nanyi mtafarijika katika habari ya mabaya niliyoleta juu ya Yerusalemu, naam, katika habari ya mambo yote niliyoleta juu yake). Hakuna mwenye haki awezaye kuwa mtetezi wao na kuwaokoa. Mwenyewe tu ndiye atakayepona (m.20: Hawataokoa wana wala binti; watajiokoa nafsi zao tu kwa haki yao). Maana hakuna atakayekwepa adhabu ya dhambi zake, isipokuwa neema ya Mungu ifanye kazi ndani yake. Yesu pekee ndiye aliye na uwezo wa kuwatetea wakosaji. Utakatifu wake ndio unaotufanya tupone.