Soma Biblia Kila Siku 08/2020Mfano

Wana wa Israeli wanafananishwa na mzabibu. Hata wakati mzabihu huu ulipokuwa mzima, haukuwa na manufaa yoyote kwa kukosa matunda. Sembuse sasa ambapo umeanza kuliwa na moto. Haufai kwa kazi yoyote. Mungu anaonyesha kuwa mwisho wake ni ukiwa tu (m.7-8: Nitaukaza uso wangu juu yao; nao watatoka motoni, lakini moto utawateketeza; nanyi mtajua ya kuwa mimi ndimi Bwana, nitakapoukaza uso wangu juu yao.Nami nitaifanya nchi kuwa ukiwa, kwa sababu wamekosa, asema Bwana MUNGU). Inasikitisha kuwa hukumu ya mzabibu inalinganishwa na wana wa Mungu. Tusipomwamini Yesu, Mungu anasema tumeisha hukumiwa (Yn 3:18: Amwaminiye yeye hahukumiwi; asiyeamini amekwisha kuhukumiwa; kwa sababu hakuliamini jina la Mwana pekee wa Mungu). Kama hatuangamii, ni huruma za Bwana. Hivyo tuombe neema ya Mungu iwe kwetu ili tusipatwe na hasira yake.