Soma Biblia Kila Siku 08/2020Mfano

Taifa la Israeli linafananishwa na binti aliyetupwa tu alipozaliwa. Lakini Mungu alimsafisha na kufunika uchi wake kwa kumvisha utukufu wake mwenyewe. Ndipo Mungu alifanya agano la ndoa naye, kama anavyomwambia katika m.8,Nilipopita karibu nawe, nikakutazama; tazama, wakati wako ulikuwa wakati wa upendo; nikatandika upindo wa vazi langu juu yako, nikakufunika uchi wako; naam, nalikuapia, nikafanya agano nawe, asema Bwana MUNGU, ukawa wangu. Kisha Mungu alimlisha kama malkia. Huu ni pia mfano mzuri wa jinsi Mungu alivyotuhurumia sisi, akituosha kwa damu ya Yesu na kutuvika utakatifu wake. Tumehuishwa kwa imani ambayo hulishwa chakula kwenye meza ya Bwana. Mwisho sote tunaomwamini Yesu tutakuwa bibi arusi wake katika ufalme wa mbinguni.