Soma Biblia Kila Siku 08/2020Mfano

Ezekieli anaagizwa kukemea manabii wa kike wanaotabiri uongo pamoja na kushona leso na “hirizi”. Maana ya neno la asili ni “utepe”, lakini ni wazi kuwa hapa vitambaa hivi hutumika kwa ajili ya uchawi. Kwa nini watu wanadanganywa na kuwindwa kama ndege na hirizi hizi? Ndio wasikilizao uongo ule ambao manabii hao wa uongo huwaambia (m.19)! Mungu anaahidi kuwaokoa watu wake wenye haki. Kwa njia gani? Yesu anajibu akisema: Mkikaa katika neno langu ... kweli itawaweka huru(Yn 8:31-32)!