Soma Biblia Kila Siku 08/2020Mfano

Ni muhimu kuwa waangalifu na manabii, pia siku hizi. Wale wasiotumwa na Mungu wana alama zao: 1.Hunena ya mioyo yao (m.2). 2.Hufuata roho yao wenyewe (m.3). 3.Hufikiria maslahi yao badala ya kujenga kilichobomoka na kutibu magonjwa ya kiroho (m.5-6:Hamkupanda kwenda mahali palipobomolewa, wala hamkuitengenezea nyumba ya Israeli boma, wapate kusimama vitani katika siku ya Bwana.Wameona ubatili, na uganga wa uongo). 4.Huona uongo (m.7:Je! Hamkuona maono ya bure, hamkunena mabashiri ya uongo? Nanyi mwasema, Bwana asema; ila mimi sikusema neno). 5.Huwapotosha watu kwa kuwahubiria amani na kusifu kazi yao bovu (m.10: Wakisema, Amani; wala hapana amani; na mtu mmoja ajengapo ukuta, tazama, waupaka chokaa isiyokorogwa vema). Tumwombe Mungu atuongoze tuweze kupambanua ni nani ametumwa kweli. Kama tukiwakubali tu manabii wa uongo, hatutaepuka ghadhabu ya Mungu juu yao.