Soma Biblia Kila Siku 04/2020Mfano

Ayubu anao ujasiri ambao ni kwa nadra kuushuhudia miongoni mwa wanadamu, hata kwao wanaodai wenyewe kuwa wako karibu na Mungu. Anaikubali na kuiopokea hali inayomkabili. Anakiri ukuu na mamlaka ya Mungu dhidi yake. Hata hivyo Ayubu ana hakika kuwa Mungu angemsikiliza, Je! Angeshindana nami kwa ukuu wa uwezo wake? La, lakini angenisikiliza(m.6). Shida ni moja tu kwamba Mungu amejificha, na Ayubu hamwoni. Tazama, naenda mbele, wala hayuko; narudi nyuma, lakini siwezi kumwona;na mkono wa kushoto, afanyapo kazi, lakini siwezi kumwona; hujificha upande wa kuume, hata nisimwone(m.8-9; ling. Zab 10:1, Ee Bwana, kwa nini wasimama mbali? Kwani kujificha nyakati za shida?). Msingi wa imani ya aina hii ni kuamini kuwa yanayotokea yana lengo la kusafisha, kuimarisha na kujenga kwa upya imani ya mwaminifu.