Soma Biblia Kila Siku 7Mfano

Paulo alikuwa ameona kwa macho yake kuuawa kwa Stefano. Katika m.20 anasema kwa Yesu: Damu ya Stefano shahidi wako ilipomwagwa, mimi nami nilikuwa nikisimama karibu, nikikubali, na kuzitunza nguo zao waliomwua. Na alikubali! Kwa hiyo alikuwa kati yao walioombewa na Stefano alipokufa: Akalia kwa sauti kuu, Bwana, usiwahesabie dhambi hii(7:60). Bila shaka Wakristo walimwombea Paulo, maana Yesu alifundisha: Waombeeni wanaowaudhi (Mt 5:44). Yesu alijibu maombi haya kwa njia ya ajabu sana. Na Paulo akawa chombo chake teule cha kuleta Injili kwa Mataifa (m.21: [Yesu]akaniambia, Enenda zako; kwa kuwa mimi nitakutuma uende mbali kwa watu wa Mataifa)! Marehemu Askofu Festo Kivengere, Uganda, aliandika kitabu kiitwacho: "I love Idi Amin!" Tuwapende na kuwaombea adui zetu.