Soma Biblia Kila Siku 7Mfano

Kama sisi, pia Danieli aliona ugumu wa kuyafumbua maono katika m.8-14. Malaika anatumwa kumfafanulia. Ndiye Gabrieli ambaye pia alitangaza juu ya kuzaliwa kwa Yesu. Mwezi wa sita, malaika Gabrieli alitumwa na Mungu kwenda mpaka mji wa Galilaya, jina lake Nazareti, kwa mwanamwali bikira(Lk 1:26). Maono aliyopewa Danieli, yalianza kutimia wakati alipoishi, lakini yanahusu nyakati za mwisho hasa. Wanyama wanawakilisha falme za dunia, za wakati wake. Atatokea mfalme mwenye nguvu nyingi mno, lakini ataangushwa. Maana Mungu ndiye Mkuu wa wakuu, na hakuna wa kumshinda. Zingatia ilivyoandikwa kuhusu mfalme mwenye uso mkali katika m.25: Atasimama kushindana naye aliye Mkuu wa wakuu; lakini atavunjika, bila kazi ya mikono. Uweza na haki ya Mungu vitatawala.