Soma Biblia Kila Siku 7Mfano

Feliki liwali(m.24). Kwa mazingira ya kitanzania "liwali" ni kama mkuu wa mkoa. Akilindwa na askari wengi Paulo alipelekwa kwa Feliki huko Kaisaria ili aokolewe na vitimvi au njama ya Wayahudi. Kaisaria ulikuwa ni mji uliopendeza sana. Ulijengwa miaka ya nyuma na Mfalme Herode Mkubwa. Akaamuru alindwe katika nyumba ya uliwali ya Herode (m.35) yaani katika ngome iliyopewa jina la mjenzi wake (Herode). Huko nyuma Feliki alikuwa ni mtumwa ila alipewa uhuru na Kaisari. Alitawala kwa ukali na Wayahudi walimchukia.