Soma Biblia Kila Siku 7Mfano

Yule Tertulo (24:1)aliyemshitaki Paulo alikuwa amesema kwa juu juu tu. Hakutaja hasa ni kosa gani alilolifanya Paulo. Ila Paulo alipojitetea alisema kwa wazi na kueleza kwa undani. Hakuwa na kitu cha kuficha: Ninajizoeza katika neno hili niwe na dhamiri isiyo na hatia mbele za Mungu na mbele ya watu siku zote(m.16). Jambo la msingi kwa Paulo na mitume wengine ni ufufuo wa wafu ambao lazima uje kwa sababu Kristo alifufuka. Nina tumaini kwa Mungu ... ya kwamba kutakuwa na ufufuo wa wafu, wenye haki na wasio haki pia (m.15; unaweza kusoma zaidi kuhusu jambo hili katika 1 Kor 15:20-24 na Yn 5:27-29). Katika ukiri wa imani twakiri: "Naamini ... kufufuliwa kwa mwili".