Елиша: Гайхалтай итгэлийн түүхЗагвар

2 Хаад 13:10-21 дээр Елишагийн амьдрал төгсгөлдөө ирдэг ба хамгийн сонин, агуу гайхамшгаа хамгийн сүүлд нь хийсэн талаар гардаг. Елишаг нас бараад оршуулсны дараа Моаб дээрмийн бүлгийнхэн Израйл руу халдах үед хэсэг Израйлчууд нэг хүнийг оршуулж байжээ. Сандарсандаа тэд оршуулах гэж байсан хүнээ Елишагийн булш руу шидсэн. Өнөөх хүн Елишагийн ясанд хүрмэгц амь орсон. Үхсэн хойно ч гэсэн Бурхан Елишаг ашиглан бусдын хэрэгцээг хангахаар тэдний амьдралд гайхамшгийг үйлдэхээ үргэлжлүүлсэн. Елиша бол итгэл, дуулгавартай байдал, зүрх сэтгэл, зоригоор агуу эш үзүүлэгч байлаа. Сүхний толгойг хөвүүлсэн, Елиагийн дуудлагаар дуулгавартайгаар тэргээ шатаан дагасан, эсвэл үхсэн хойноо ч нас барсан хүнийг амилуулсан ч бай Елиша бол ямар ч эргэлзээгүй Библи дээрх хамгийн дурсууштай хүмүүсийн нэг.

Бид хойш суухаа больж Елиша шиг болох цаг ирээд байна. Энэ дэлхийд үл ойлгогдох эрсдэл болон шийдвэрийг гаргах цаг болоод байна. Байгаа зүйлээ орхин агуу итгэлээр амьдрахын тод жишээ бол Елиша юм. Байгаа зүйлээ Бурханд бүгдийг нь өгч чадвал таны боломжгүй гэж бодож байсан зүйлийг ч Тэр хийж чадна. Бүх зүйл танаас шалтгаална. Елишад байсан шиг агуу итгэлтэй болохын тулд ямар алхмыг та хийх хэрэгтэй байна вэ?