Ертөнцөд тань! Баяр хөөр ирэг! Христ мэндэлсэн өдөр хүртэлх тоололЗагвар

Иосеф бол зөвт ... сайн.. эелдэг нэгэн байсан. 19-р эшлэл дэх “зөвт” гэсэн үг нь Еврей хэлэнд ийнхүү тодорхойлогдсон байдаг: "Бодол санаа, мэдрэмж болон үйлдэлдээ Бурханы хүслийг тэр чигээр нь дагадаг нэгэн.”

Иосеф өөрт нь юу хамгийн тааламжтай вэ гэдэгт түшиглэн шийдвэр гаргаагүй. Бурханы төгс төгөлдөр бас ариун хүсэлд итгэлтэй байхад түүний шийдвэрүүд түшиглэсэн байсан. Энэхүү хамгийн анхны Христийн мэндэлсэн баяраар Иосеф дараах хамгийн чухал зүйлийг сурч байсан; Аврагчийнхаа төрсөн өдрийг тэмдэглэх нь өөрийнхөө хүсэл эсвэл юуг чухалчилахаа туйлд нь хүртэл ихэсгэхэд биш – харин өөрийнхөө амьдралд Христийг урьж оруулахад шаардлагатай бүхнийг хийхэд оршдог.

Энэ нь Христийн мэндэлсэн баяраар бид бүгдэд сануулах шаардлагатай зүйл гарцаагүй мөн. Надад ямар мэдрэмж төрж буй, ямар хүндрэлтэй нүүр тулж буй, эсвэл гэр бүлийнхэн болон найзууд маань хажууд байгаа үгүй нь Христийн мэндэлсэн баяраар тийм чухал биш. Гомдсон амьдралдаа үргэлж Есүст зай тавьж өгөхөд Христийн мэндэлсэн баярын утга учир оршдог.

Христийн мэндэлсэн баярын тэнгэрэлч Иосефийн ухаалаг бас эелдэг төлөвлөгөөнд саад хийсэн! Бид хамгийн сайн бас зөв гэж бодсон зүйлээ хийж байхад ч хүртэл, Бурханы арга зам нь бидний хамгийн шилдэг төлөвлөгөөнөөс ч хамаагүй илүү байдаг гэдгийг мэдэх нь ямар гайхамшигтай вэ! Христийн мэндэлсэн баяр бол Бурханы хамгийн шилдэг нь бидний сайн төлөвлөгөөнд саад хийдэг цаг мөн.

Бурхан сүүлийн үед таны амьдралд саад хийсэн үү? Магадгүй энэ Христийн мэндэлсэн баяраар та өөрийнхөө амьдралын эх сурвалжаас атган авч улмаар таны амьдралд саад болох эрх Бурханд байгаа гэдгийг ухаарах хэрэгтэй байх. Таны хамгийн шилдэг гэсэн төлөвлөгөө нь Бурханы танд зориулсан төлөвлөгөөнөөс хамаагүй сул дорой учраас амьдралын хамаагүй дээр арга замыг танд харуулах эрх Бурханд бий!

Иосеф нь Мариа гэдэг байдаг л нэг охинтой хайр сэтгэлтэй болсон, байдаг л нэгэн хөвгүүн байсан уу? Тийм… бас үгүй! Байдаг л нэгэнээс гадна тууштайгаар зөвт байдлыг амьдралынхаа хэв маягыг болгохоор сонгосон тэдгээр хүмүүст зориулан Бурхан үргэлж онцгой зүйлсийг бэлдсэн байдаг. Бүх л үеийнхэнд Христ Өөрийгөө илчлэн харуулах замаар хүн нэг бүрийг ашиглахыг Бурхан хүсдэг.

Христийн мэндэлсэн баяр нь зөвхөн Иосеф ба Мариагийн тухай түүх байсан гэж та боддог бол ... та үнэхээр буруугаар ойлгосон байна. Христийн мэндэлсэн баярын талаарх үзэл бодолдоо та магадгүй Гринч болон Эбэнээзэр Скүүчтэй санал нийлсэн нь дээр байх. Энэ түүхэн цаг мөчид Христийн мэндэлсэн баярыг таниар дамжуулан төрүүлэхийг Бурхан үнэхээр хүсч байдаг. Та бол Бурханы зан чанар болон зүрх сэтгэлийг илчлэн харуулахаар энэ дэлхийд оршин буй нэгэн. Үүнийг л зөвт хүмүүс үйлддэг - зөвхөн Христийн мэндэлсэн баяраар бус харин жилийн 365 өдөрт!