Ертөнцөд тань! Баяр хөөр ирэг! Христ мэндэлсэн өдөр хүртэлх тоололЗагвар

Христийн мэндэлсэн өдөр ирлээ!

Библи дээрх Христийн мэндэлсэн өдрийн түүхийг удаанаар бас сэтгэл татам байдлаар харах замаар Бетлехемээр аялах аянд морьдоцгооё. Есүсийн төрсөн талаарх түүхэн дүрслэл нь Бетлехемээс эсвэл Назараас ч эхлээгүй... харин Бурханд бүрэн зориулсан амьдралаас ирэх гүйцэтгэлийг мэдэрсэн нас өндөр хосоос эхлэсэн юм.

Библи дээр Захариа, Елизабет хоёрыг хайр хүрмээр дүрсэлсэн байдаг: “Тэд хоёул, Эзэний бүх тушаал зааврыг өөгүй дагаж, Бурханы өмнө зөвт байлаа.” - Лук 1:6

Елизабет, Захариа хоёр гэрлээд олон жил болсон хэдий ч хүүхэдтэй болж хараахан амжаагүй байсан. Энэхүү тахилч болон түүний эхнэрийн хувьд энэ нь ямар их сэтгэлийн шаналгаа байдаг байсан нь илэрхий боловч тэд Эзэнтэй харилцах харилцааныхаа хэсэг бүрт гэм зэмгүй амьдралаар амьдрахаа үргэлжлүүлсээр байсан болохыг нь Библид тэмдэглэн үлдээсэн байдаг.

Та урам хугарсан үедээ ямар хариу үйлдэл үзүүлдэг вэ? Үүнийг та хэт өөгшүүлэх эсвэл үглэх бас гомдоллох шалтгаан болгон ашигладаг уу? Елизабет болон Захариа гар нь хоосон бас өнгөрч буй найдвартай байсан хэдий ч, он удаан жил үргэлжлэхийн хирээр Бурханд бүхий л зүрхээрээ үргэлжлүүлэн үйлчилсээр байсан.

Зөвтийн залбирал үр нөлөөтэй бөгөөд ихийг гүйцэлдүүлж чадна гэж Библид хэлсэн байдаг! (Иаков 5:16) Та зөвт амьдралаар амьдарсаар... бас залбирсаар байхад ...залбирал тань хариулагдах болно.

Зөвт хүн итгэлийнхээ дагуу амьдардаг хэмээн Библид мөн хэлсэн байдаг. (Еврей 2:4) Елизабет болон Захариа нар юуг харж буйгаараа бус харин итгэлийнхээ дагуу алхсаар байсан.

Елизабетийн нэр бол үнэндээ "Бурхан бол миний амлалт" гэсэн утгатай. Бусад хүмүүс сэтгэл гонсойсноосоо болоод итгэхээ болихуйц үед ч Елизабет Бурханы амлалтад итгэсээр байсан. Түүний найзууд хүүхдүүдээ эрхлүүлэн улмаар олон жилийн дараа ач зээ нараа бүүвэйлэн унтуулж байх үед тэрээр Бурхан өөрийнх нь залбирлыг сонсож байгаа гэдэгт итгээсээр байсан.

Христийн мэндэлсэн өдрийн түүхээс таны хамгийн эхэнд сурах зүйл бол Бурханд тэвчээртэйгээр хандах байгаасай гэж би найдаж байна. Таны асуудлууд улам бэрхшээлтэй болох үед Бурханд улам ихээр найд. Сэтгэл гонсойхоор өдрүүдийн туршид ч зөвт амьдралаар амьдарсаар бай. Залбир бас Бурхан таны залбирлыг сонсож байгаа гэдэгт итгэ. Таны санаснаар аливаа зүйл болохгүй байх үед зүрх сэтгэлдээ зөв хандлагатай байсаар бай.

Елизабетын хайр татам байдалд жинхэнэ итгэгч харагдах зүйлсийн дагуу бус харин итгэлээр алхдаг гэдгийг танд сануулах боломжийг олго.