Ертөнцөд тань! Баяр хөөр ирэг! Христ мэндэлсэн өдөр хүртэлх тоололЗагвар

Мариа төрөх тун дөхсөн байсан учраас Назариас Бэтлэхэм хүртэлх 80 бээрийг туулахад Мариа болон Иосеф бараг долоо хоног аялсан байх. Аялах цагийн хувьд тийм тохиромжтой цаг байгаагүй хэдий ч, энэ нь тосгоны худаг дээрх хэл ам болон хөгшчүүдийн төрөх цагийг хуруу даран тоолон хэл амнаас хэсэг хугацаанд ч болов ангижрах боломж байсан байх. Газар бүрд хүн амын тооллого явуулах тухай Цезарь Августын зарлигийн дагуу Мариа болон Иосеф төрсөн хотоосоо хол аялан явах шаардлагатай болсон.

Мариа болон Иосефийг Бэтлэхэмд орж ирэх үед хот маш олон хүнээр дүүрсэн байсан. Мариа хурсан олноор түлхэгдэх тэр үед тэрээр төрөлтийн хамгийн анхны өвдөлтөө мэдэрсэн. Магадгүй тэр л хүмүүс дүүрэн гудамжинд түүний ус нь гарч, хувцас болон унаж явсан илжигийг нь норгосон байх.

Тэрээр өвдөж байхдаа, чимээгүйхэн, “Иосеф! Надад амрах газар олж өгөөч!” хэмээн шивнэсэн болов уу

Төрөх гэж буй Хүүгийнхээ төрөх газрыг бэлтгэхээр Иосеф агуйнаас өөрцгүй ... малын хороо ... малын хашааг олсон.

Аялагчидын мал амьтдаар малын хашаа дүүрсэн байсан нь гарцаагүй. Тэнд малын шивтэр болон шээс үнэртэж байсан нь гарцаагүй бөгөөд, өвсөн дээр цэвэрхэн газар олоход Иосефт ямар хэцүү байсан болохыг би төсөөлж байна. Иосеф Мариад зориулан зай гарган улмаар шинээр төрөх гэж буй Хүүхдэд зориулан тэвшийг чирж байх үед нэг эсвэл хэд хэдэн хулгана айснаасаа болоод ийш тийшээ гүйлдэж байсан байх. Мариаг төрөхөөр өвдөж бас цус алдаж байх үед үхэрнүүд өвс хивэн мөн хонинууд майлж байсан. Энэхүү олиггүй бас бүдүүлэг орчинд хүн төрөлхтөнийг Аврагч мэндэлсэн!

Хүүгээ анх удаа харж байх үеийн өсвөр насны эхийн дур булаам царайг төсөөлөн харах үед миний зүрх зогсох шахдаг! Тэрээр Бурханы нүүрийг ширтэн харж байсан ... бас Тэрээр түүнийг бас ширтэн харж байсан. Бурхан түүний хуруунаас бас зүрхнээс өчүүхэн гараараа атган байсан.

Тэрээр түүний Хүү нь ... бас Эзэн нь байсан. Тэрээр түүний Хүүхэд нь ... бас түүний Хаан нь байсан.

Тэрээр Түүнээс харцаа салгаж чадахгүй байсан, Хүүхдээ гэсэн түүний хайр үнэхээр агуу байсан. Мөн хамгийн агуу гайхамшиг бол ... Тэрээр түүнээс харцаа салгаж чадахгүй байсан, учир нь хүн төрөлхтөнийг гэсэн Түүний хайр үнэхээр агуу байсанд оршино.

Христийн мэндэлсэн өдрийн жинхэнэ утга учраас харцаа бүү салгаарай. Есүс төрөх үед ... Тэрээр таны төлөө мэндэлсэн болохыг таньж мэдээрэй. Тэвшин дэхь Хүүхдэд Өөрийнхөө хайраар таны зүрхийг атгах боломжийг олгоорой.