Магтаал: Дуулал номын судлалЗагвар

Энэ хэсэгт юуг өгүүлж байна?

Залбиралд минь сонороо тавиач, юу нь зөв болохыг хараач, Өөрийнхөө гараар авраач гэж Давид Бурханаас гуйсан.

Энэ юу гэсэн утгатай вэ?

Энэ залбирлыг бичиж байхдаа Давид Саулаас зугтааж байсан болов уу. Дайснуудынхаа үйлдлүүд, өөрийнхөө хариулт, Эзэнд хандах хүсэлтүүдээ илэрхийлэхэд тэр хүний биеэр төсөөлүүлсэн. Саулын нэр төрийг гутааж эсвэл өшөө авах болов уу гэдэгт нь Давидын найз нөхдийн хэн нь ч эргэлзээгүй хэдий ч тэр Бурханы Үгийг тууштай дагадаг нэгэн байсан учраас цэвэр ариун байдлаа сахижээ. Бурханд тэр таалагддаг нэгэн байсан эсэх нь Давидад болоод бүх хүнд нууцлаг зүйл байсан хэдий ч, Эзэн залбирлыг нь сонсож, юу нь зөв болохыг харж, үнэнийг өгүүлж, Өөрийнхөө гараар түүнийг хамгаалах болно гэдэгт тэр итгэлтэй байлаа.

Би үүнд хэрхэн хандах ёстой вэ?

Бурууг буруугаар хариулах нь зөв зүйл биш гэж хүүхэд байхаас минь л бидэнд дахин давтан хэлдэг байсан ба энэ нь үнэн гэдэгтэй ихэнх хүн санал нийлдэг. Хэн нэгэн хүн биднийг гомдоох үед тэр хүнд хариу өгөх нь хэсэгхэн хугацаанд сайхан сэтгэгдэл төрүүлж болох юм. Эзэний гарт өргөхийнхөө оронд өөрийнхөө гараар шийдсэнийхээ төлөө бид гэм буруутай нэгэн болох боломжтой. Бурханы амнаас гарах үгсийг дагахынхаа оронд бид тэднийг үгээрээ доош нь оруулдаг. Хэн таныг гүнээ шархлуулсан бэ? Давидын энэ залбирлыг эргэн хар, тэр нөхцөл байдлынхаа хувьд энэ залбирлыг залбир. Бурханы зөвтгөлийг хүлээж байхдаа өвдөлтийг цэвэр байдлаар шийдвэрлэх нь боломжтой зүйл шүү.