Баяр хөөрийн ДоргилтЗагвар

Түүхэнд бичигдэн үлдсэн олон зуун армиудаас Иудагийн Хаан Иехошафатын арми шиг маш сайн бэлтгэгдсэн арми байгаагүй. Тэд бүх анхаарлаа Эзэнд төвлөрүүлсэн байсан! Тэд Эзний өргөөнд үлдсэн! Тэд мацаг барин залбирцгаасан! Тэд Эзний өмнө нүүрээрээ газар унан магтсан! Мөн тэд тулаан эхлээчгүй байхад ялалтын уухайг түрэн чангаар хашхирсан!

Иехошафатын удирдлага дор байдаг хүмүүсийг дуулан магтаж байх хооронд Бурхан тулалдаж байсан. Бурханы зарчим хэзээ ч өөрчлөгддөггүй бөгөөд хэрэв та амьдралынхаа туршид магтан дуулсаар байх юм бол, Бурхан таны өмнөөс тулалдах болно. Та үүнд итгэж байна уу? Хэрвээ итгэж байгаа бол санаа зовоход арай бага цагыг, магтаалд арай илүү цагыг зарцуулах болно! Шастирын Дэд номын энэ зарчимд та үнэхээр итгэж байгаа бол, та магтаалд арай илүү ба хов живд арай бага цагыг зарцуулах болно.

Бид Библи дээрх Бурханы зарчмууд ба арга замыг дагах үед , бид үргэлж ялагчаас хамаагүй дээр байр суурьтай байх болно.Учир нь бид үргэлж биднийг ялалт руу удирддаг Бурханд үйлчилдэг!

Энэхүү бүслэгдсэн үндэстний ард түмэн 3 өдрийн турш олзоо цуглуулсан бөгөөд дааж давшгүй их олз олжээ. Амьдралынхаа хамгийн хүнд хэцүү үед Түүнийг дуудагч нэгэнд Бурхан өршөөлөө харамгүй өгдөг. Чарлан хашхирахын оронд магтан дуулахыг сонгосон Өөрийнхөө хүмүүсийн залбирал,хүсэлтүүдийг Бурхан үргэлж даван гардаг.

Тэдгээр хүмүүс Иерусалем руу баяр хөөрийн хамт...агуу их амар тайван...бүхий л талын тайвшралыг Бурхан тэдэнд өгсөн. Эдгээр нь амар сайхандаа жаргажээ гэдгээс хамаагүй дээр байгаа биз, тийм биш гэж үү?!