Апп-ийг аваарайБурханы зүрхний цохилтЗагвар
ҮЗЭСГЭЛЭНТ НЭГЭН
Дуулал 27:4
Өө Бурхан минь, Та бол Үзэсгэлэнт Нэгэн билээ.Би Таныг магтъя; Би гараа өндөрт өргөе; Би Танд хайртай. Учир нь Таны хашаан дахь нэг өдөр гадна байх мянган өдрөөс ч дээр юм. Таны өргөөний ариун газарт Таны гоо үзэсгэлэнг би харж байна ... Тэд Таны алдар сууг гэрчлэн, тэдний өсөлт нь Таны гарын үйлсийг тунхагладаг. Өө Бурхан, Таны гарын бүтээл ямар гайхамшигтай вэ. Би ч мөн зүрх сэтгэлийнхээ ариун газарт Таны гоо үзэсгэлэнг мэдэрдэг ... Сайн сайхан хийгээд хайр энэрэл тань намайг бялхуулдаг. Тийм ээ, миний сэтгэл зүрхэн дэх Үзэсгэлэнтэй Нэгэн бол Та билээ. Таны гүн хайр намайг өргөст ургамлаас сараана цэцэг болгон хувиргасан. Баярлалаа, миний хайрт Аврагч минь. Та намайг босгодог; Та миний бүх зүйлийг шинэ болгодог. Өө Үзэсгэлэнт Нэгэн минь, намайг үргэлжлүүлэн илүү гоё болгооч. Би амьдралынхаа бүхий л өдрүүдэд сайн сайхан хийгээд хайр энэрлийг тань бусдад асгахын тулд намайг Өөрийнхөө гэрэлт тусгал болгооч.
© Крис Бакстер 2014 Ð Clear Day Publishing
Энэ төлөвлөгөөний тухай
"Бурханы зүрхний цохилт" хэмээх энэхүү 30 хоногийн төлөвлөгөө дотор итгэлийн амьдралын үнэт зарчим оршдог. Өдөр бүр нь "Өө Бурхан минь, Та бол..." гэсэн үгсийг ашиглан магтаалын тунхаглалаар эхэлнэ. Дараа нь Түүний зан чанар, шинж чанаруудыг дэлгэрүүлэн үзэж эхэлдэг (Жишээлбэл: "Өө Бурхан минь, Та бол Сайн"). Бичээсээр дүүрэн эдгээр чин сэтгэлийн залбирал нь уншигчдыг Бурханы нэрийг өргөмжлөн хүндлэх хэвшил рүү хөтөлж, улмаар Түүний ард түмнээ хайрлах "зүрхний цохилт"-ыг илүү гүнзгий ойлгоход хүргэдэг билээ.
More
