പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1ഉദാഹരണം

ക്ഷുദ്രം ചെയ്തു മയക്കുന്നവർ

കർത്താവ് പൂർത്തീകരിച്ച രക്ഷണ്യവേലയോട് ആരും ഇനി ഒന്നും കൂട്ടേണ്ടതില്ല. ഗലാത്യർ ന്യായപ്രമാണത്തിന്റെ ചില പ്രവർത്തികൾ കൂട്ടുവാൻ ശ്രമിച്ചു. അതിനു അവർ വഴങ്ങുന്നത് കണ്ടപ്പോഴാണ് പൗലോസ് ആശ്ചര്യത്തോടെ ചോദിച്ചത്; നിങ്ങളെ ക്ഷുദ്രം ചെയ്തു മയക്കിയത് അർ? ക്ഷുദ്രപ്രവർത്തികൾ പഴയനിയമത്തിലും പുതിയ നിയമത്തിലും വിലക്കിയിട്ടുണ്ട് (ആവ.18:10,11; വെളി.22:15). ഒരു യഥാർത്ഥ ദൈവപൈതലിനെ ഒരു ക്ഷുദ്രപ്രയോഗത്താലും മയക്കുവാൻ കഴിയില്ല. എങ്കിലും അതിൽ വിശ്വസിക്കുന്നവരും മുതലെടുക്കുന്നവരും ഇന്നും നിരവധിയാണ്. ഇവയിൽ നിന്നും ഒഴിഞ്ഞിരിക്കുക.