The Chosen - Voafidy ho tonga FahagaganaSantionany

Andro faha-6 - Araho Aho !

Tsoriko aloha fa olona somary miavaka izay foana aho. Raha mila mamaritra ny tontoloko aho, dia azoko lazaina fa nahoriko manodidina ny isa sy ny kajy ary ny lojika izany. Hatramin'ny fahakeliko dia efa niharihary tamin'ny rehetra ny talentako momba ny matematika, ary izany indrindra no nahatonga ahy ho lasa mpamory hetra tao amin'ny faritra nisy ahy.

Azo lazaina hoe niadana aho teo amin’ny fiainako ary nanana asa tsara karama. Kanefa dia voahilikilika sy lazain’ny olona ho mpamadika foana aho satria miasa ho an’ny Romanina mpanafika. Araka ny filazan’ireo rahalahiko jiosy, dia nahasarotra ny fiainan’izy ireo mihaotra ny efa hiainany aho. Nankahala ahy izy ireo, ary na dia ny fianakaviako aza dia nandao ahy!

Andriamanitra nahafantatra fa tsy te handratra na iza na iza aho. Te hanao ny asako tsara fotsiny aho amin’ny fahaizana mikajy ny hetran’ny tsirairay. Teo amperin’asa tokoa aho no nifanena voalohany tamin’i Simona Petera sy Andrea rahalahiny. Tena goavana tokoa ny trosan’izy ireo tamin’ny fanjakana Romanina, anisan’ny lehibe indrindra hitako hatramin’izay mihitsy aza.

Nanapa-kevitra ny hanagadra an’i Simona Petera ilay mpampindram-bola romanina tao Kapernaomy, antsoina hoe Quintus, ary nangataka ahy hitsikilo azy mialoha izy, mba hanamarina raha mikasa hanao tetika ratsy i Simona Petera. Teo am-panarahana azy àry aho no nanatri-maso ilay fahagagana malaza tamin’ny trondro izay nataon’i Jesosy indray maraina teo amoron-dranomasina.

Io andro io no fotoana voalohany teo amin'ny fiainako nahatakarako fa tsy amin’ny alalan’ny isa intsony no fepetra lafatra indrindra hamaritana izao tontolo izao. Nahita zava-mahagaga nitranga teo imasoko aho, zavatra tsy nisy lohany sy vodiny tao an-tsaiko ary tsy hain'ny isa hazavaina mihitsy. Tena mahagaga tokoa, toy ny nahitako lehilahy iray mararin’ny paralysisa, izay nositranin’i Jesosy ka nandeha, andro vitsivitsy tatỳ aoriana. Nanatrika ny fampidinana azy avy teo amin’ny tafon-trano sy nynanasitranan’i Jesosy tao anatin’ny indray mipi-maso azy aho.

Niova tanteraka ny fahitako ny fiainana hatrizay, hany ka tsy fantatro intsony izay lalana tokony halehako. Dia toy izany hatrany no niainako mandra-pahatongan'ny andro nandalovan'i Jesosy teo amin'ny toeram-piasako, teo amin’ilay toerana fanangonako hetra. Nijery ahy Izy ka nanao hoe: Matio, zanak'i Alfeo, manaraha Ahy. (Matio 9:9). Tsy mba tahaka ny Jiosy hafa Izy, tsy nanilika ahy Izy fa nanasa ahy hiaraka Aminy mihitsy aza.

Tsy nisalasala aho na dia iray segondra monja aza. Niala tao amin’ny toeram-piasako aho, nomeko an’ilay mpiambina romana izay mpanaraka ahy ny lakile, ary nanao ny dingam-pinoana lehibe indrindra teo amin’ny fiainako aho: ny hanaraka an’Ilay nandray ahy. Ankehitriny dia manana tari-dalana sy tanjona ny fiainako.

Matio no anarako, zanak’i Alfeo, ary Jesosy no nifidy ahy.

PS: Ry namako, mety manjavona aminao ihany koa hoe mankaiza tokoa moa ny lalam-piainanao ary mahatsiaro ho voahiliky ny hafa ianao. Fa raha toa ka toy ny hirodana izany ny manodidina anao, dia Misy Olona Iray izay afaka arahinao. Miantso anao Izy hanaraka Azy ary manasa anao Izy ny mba hanaiky ho tarihiny. Hanaiky an’izay fanasana izay ve ianao? Izy ilay Sakaiza akaiky indrindra ny fonao.

Voafidy ho tonga Fahagagana ianao!

Christian Misch