The Chosen - Voafidy ho tonga FahagaganaSantionany

Andro faha-5 - Izaho no Mesia !

Hatramin’ny fahakeliko aho dia efa niandry fatratra ny fahatongavan’i Mesia .Eny,tsaroako fa efa nanonofy ilay andro izay hahatonga an’i Mesia ho lasa Mpanjakan’Israely aho sy ny fomba hamahany antsika eo ambanin’ny ziogan’ny Romana.

Tamin’ny Jaona Mpanao batisa nanomboka ny minisiterany dia anisan’ny mpianany aho ary nanaraka azy nandritran’ny taona maro.Nandalo fisedrana maro izahay,fa ny tao ampoko dia feno fifaliana isan’andro, satria fantatro fa manakaiky ilay andro hahitako ny Mesia aho.

I Simona Petera rahalahiko dia niandry koa ny fahatongavan’i Mesia,saingy araky ny efa noteneniny anao, efa nihanangatsiaka ny finoany. Izaho manokana dia nanana olana maro. Raha ny marina, bokan’ny trosa aho satria tsy dia nahomby loatra ny jono tato ho ato ;saingy nihazona mafy ny finoako aho.

Tadidiko indray maraina nahitako an’i Jesosy. Niaraka tamin’i Jaona mpanao Batisa aho tamin’izy nanendry an’i Jesosy sady niteny hoe : « Indro ny zanak’ondrin’Andriamanitra »(Jaona 1 :35-42). Tsy nahavita nandà aho :mila manaraka azy aho.Nidobodoboka mafy ny foko,satria tao anatin’ny foko lalina diaefa resy lahatra aho fa : Jesosy ilay Mesia !

Nihazakazaka namonjy an’i Simona Petera hiteny azy izany aho saingy tsy araky ny nieritreretiko ny fihetsiny. Eny, efa nihareraka ny finoany ary ireo olany maro be dia tsy nahafahany nanana fijery mazava. Na izany aza ,ny alin’io ihany ,rehefa nandeha nanjono izahay dia mahagaga fa nahita an’i Jesosy teo amoron-drano! Azoko antoka fa hisy zavatra hitranga,ary notohizako ihany ny fanazavana an’i Simona Petera fa Jesosy ilay Mesia,ary ny fanarahana ny toromariny no tena zava-dehibe.

Tena nahavariana anay izay nanatri-maso ilay jono mahagaga! Diboky ny hafaliana ny foko satria vavolombelona tamin’ny fahagagana nahatalanjona aho, ary mazava hoazy,satria voaloha daholo koa ny trosako.Saingy ny tena nahatalanjona ahy, dia ny nahita ny rahalahiko nandohalika,miaraka amin’ny finoana nihavao ary vonona ny hanaraka an’i Jesosy.

Tsy diso ny eriteritro : Jesosy ilay Mesia. Ankehitriny aho dia mpianatrin’ilay Mpanaisotra ny fahotan’izao tontolo izao.

Andrea no anarako,rahalahin’I Simona Petera aho , ary nosafidian’i Jesosy.

PS : Ry namako, mety efa manara-dia an’i Jesosy hatry ny ela ianao ary faly satria Izy no Tompoinao. Na mety hoe nianangatsiaka ny finoanao, ary misy ahiahy ao anatin’ny foanao. Na izany aza dia maniry ny hivavaka ho anao aho mba hanehoan’Andriamanitra fahagagana amin’ny fiainanao: “Ray o, mivavaka ho an’ny namako aho, mba handroso hatrany ny ara-panahiny. Mangataka aho ny mba hanehoanao fahagagana amin’ny fiainany sy an’ireo ankohonany, ho Voninahitry ny Anaranao Masina. Amena!”

Voafidy ho tonga Fahagagana ianao !

Christian Misch