The Chosen - Voafidy ho tonga FahagaganaSantionany

Andro faha-15_ Te ho sitrana ve ianao?

Tena nihasarotra ny fiainako nanomboka tamin'ny fotoana nahatra-doza ahy teo amin'ny fahazazako,izay nitarika ny tsy fahafahako nandeha.Nahatsiaro aho ho lasa vesatra ho an'ny hafa satria tena nanahirana ahy ny nanetsika ny tenako.

Tamin'ny fotoana nanapa-kevitra ny hiala teto aminay Simona zandriko ka handeha hanampy ireo zelota, tena nahatsiaro very tanteraka aho.

Inona no hiafarako? Rotika ny foko.Ny zavatra tiako dia ny hiverina handeha indray.

Izany no nahatonga ahy nandeha teo amin'ny farihin'ny Betesda.Henoko mantsy fa indraindray, misy anjely midina manetsika ilay rano, ka izay olona voalohany tonga ao anaty rano dia sitrana.

Tamin'ny taona voalohany,tsy afaka tonga voalohany teo amin'ilay toerana aho tamin'ny fotoana nihetsehan'ilay rano satria tsy nisy olona afaka nitondra ahy.

Ny taona faharoa dia mbola toy izany ihany.Taona fahatelo sy taona fahaefatra......sary mitovy amin'ny taona teo aloha ihany,fa ny tsy fantatro dia mbola nijanona teo ihany aho. Teo amin'ny farihin'ny Betesda ny fiainako nandritra ny 38 taona! Tsy takatry ny saiko raha miverina mieritreritra izany aho.

Tena fantatro fa toerana fanopoantsampy io farihy io,ary ny fihetsehan'ny rano dia seho ara-boajanahary fa tsy avy amin'ny anjely.Ankoatr'izay dia mampihomehy ny mijery anay mifanosika ny ho tafiditra voalohany ao anaty rano.Nefa izaho dia tena niandrandra hatrany ny hisian'ny fahagagana amin'ny fiainako mba hamelona indray ny fanantenako.

Soa ihany,indray andro,nisy zava mahagaga tsy nampino niseho.Nisy olona iray izay tsy fantatro akory avy hatrany dia nanantona ahy ary nanontany ahy:"Te ho sitrana ve ianao?".Nohazavaiko azy fa tsy misy olona afaka mitondra ahy ho eo amin'ny rano, nefa dia nanambara izy fa tsy misy azon'io farihy io atao amiko.

Nahatakatra izany ny tato anatiko. Rehefa nanontany ahy indray izy raha te ho sitrana aho dia nahatoko ny lohako. Ireto teny tsotra vitsivitsy nolazainy ireto no nanova ny tantara piainako mandrakizay:"Mitsangana ,batao ny fandriananao ary mandehana". Tampoka teo, nahatsapa hery tao amin'ny ranjoko aho.Zavatra izay tsy tokony afaka hiseho.

Sady nitsiky aho no tsy nahita hambara , nitsangana araka izay heriko aho, niaina ilay fahagagana izay niseho tamin'ny tenako tamin'io fotoana io, 38 taona tsy afaka nihetsika ,afaka mandeha indray Aho! Jesosy avy any Nazareta no nanasitrana ireo ranjoko. Namoaka ahy tao amin'ny tsy fahalalana Izy ary nanome ahy fiaingana vaovao.

Ankehitriny, afaka mandeha indray ao amin'ny sitrapon'Andriamanitra Aho.

Jese no anarako, ary izaho ilay nofidian’i Jesosy.

PS : Ry namako, ianao ihany koa dia mety mahatsapa fa lany tamin’ny fanaovana zavatra tsy nitondra nankaiza akory ny fotoananao. Fa anio dia mijoro eo akaikinao ihany koa i Jesosy ary manontany anao hoe : « Te ho sitrana ve ianao ? »Maniry ny hanasitrana ny fonao, maniry ny hiaraka aminao isan-tsengodra, mba hanananao tanjona, ary ny mba hamirapiratan’ny Fahazavany amin’ny alalanao.

Voafidy ho tonga Fahagagana ianao!

Christian Misch