Jizọs Hụrụ M N'anyaIhe Atụ

Nke A Ka M Maara 

Anyị enweghị ike inweta nzọpụta site n'ịgbalịsi ike ma ọ bụ ịdị mma zuru oke: “N’ihi na ọ bụ n’amara ka e jiworo zọpụta unu, site n’okwukwe—nke a esiteghịkwa n’onwe unu, kama ọ bụ onyinye Chineke—ọ bụghị site n’ọrụ, ka onye ọ bụla ghara ịnya isi” (Ndị Efesọs 2:8–9). Ịkwere na Jizọs na-ewebata ike nke Chineke na ndụ anyị, nke na-arụpụta nzọpụta anyị: “Maka na ihere ozi ọma adịghị eme m, n'ihi na ọ bụ ike Chineke na-eweta nzọpụta nye onye ọbụla nke kwere.” (Ndị Rom 1:16).

Ị nwewo oge pụrụ iche mgbe ị họọrọ ikwere na Kraịst n'onwe gị? Taa bụ maka mkpebi ịhọrọ Jizọs dịka Onye Nzọpụta gị, Eze, na Onye Nnapụta gị yana etu o si dị gị mkpa na iji obi gị niile mee nhọrọ ahụ. Ịnata onyinye Ya dị mfe dịka iji ọnụ gị kwupụta na Jizọs bụ Onye-nwe-anyị na ikwere n'obi gị na Chineke mere ka Ọ si na ndị nwụrụ anwụ bilie.

Nke a bụ ekpere ịburu eziokwu ndị a si n'isi gị gaa n'obi gị, site na eziokwu ị maara ruo n'okwukwe ị họọrọ. Okwu nke ekpere a abụghị anwansi, ma echiche ndị dị n'ekpere a ji ike niile nke eluigwe na ụwa ma ọ bụrụ na gị ekpee ya site n'obi nke dị umeala na okwukwe nye Onye Okike gị.

Jizọs M Hụrụ N'anya,

Abịakwutela m Gị, Chineke pụrụ ime ihe nile, ekwetakwara m na ndụ m ezighi ezi. Emehiewom, mejọkwa Gị n'ọtutu uzọ. Jizọs, a na m ekele Gị maka ịnwụ n'obe maka mmehie na mmejọ m niile. Taa a na m anabata Gị dịka Onye-nwe m na Onye-ndu nke ndụ m. Ana m echegharị wee si na mpako m chigharịa. Eji m obi m kwere na Gị, wee n'ahọrọ iji ndụ m soro Gị. Achọrọ m ịnata onyinye nzọpụta Gị dị akwughị ụgwọ. Onye-nwe-anyị, nyere m aka ibi ndụ dịka ihe okike ọhụrụ ugbu a. A na m ekpe nke a n’aha Gị na kwere n’ọrụ Gị, Jizọs. Amen.

Ozugbo ị tinyere okwukwe gị na Jizọs, ihe karịrị mmadụ na-eme na mkpụrụ obi gị, na ndụ gị, na n'ime ebighị ebi gị. Chineke na-etijisi agbụ nke mmehie ha wee si n'ahụ gị pụọ. Ọ na-ekepụtara gị ebe n'ụlọ Ya ma nabata gị n'ime ezinụlọ Ya. Chineke bụ Nna gị, Ọ hụkwara gị n'anya. Ị nwekwara ezinụlọ ime mmụọ nke ndị kwere ekwe ndị ọzọ ga-eso gị n'eje ije ma n'agba gị ume ka unu n'aga n'ụzọ nke eluigwe.

Ị nabatala ọkpụkpọ òkù Kraịst ị so bụrụ ndị nke ezinụlọ Ya? Kanye akara n'ụbọchị a na kalenda gị ka ị jide n'aka na ọ bụ ụbọchị ị zara ọkpụkpọ òkù Ya!