Jizọs Hụrụ M N'anyaIhe Atụ

Mụ N'anya

Ọ bụ ihe n'adọrọ mmasị iche echiche banyere ụmụ mmadụ n’ụzọ Chineke si ahụ ha—ọtụtụ narị nde mmadụ nke ọbụla na-eme ọtụtụ puku nhọrọ kwa ụbọchị. Chineke na-ahụ igbu mmadụ gasị na-emenụ. Ọ na-ahụ azụmahịa gasị nke ọgwụ ndị n'egbu mmadụ. Ọ na-ahụ nne dị ime bụ́ onye na-aṅụ cocaine, na-emebi nwa nọ ya n'afọ. Ọ na-ahụ ka ndị di na ndị nna n'emegbu ma n'emebisi ndị e kere ha ka ha chebe. Ọ na-ahụ agha gasị na ịkpa ókè agbụrụ dịnụ, ịkpọasị, na ikpe na-ezighị ezi dịnụ.

N'otu oge ahụ, kwa ụbọchị, Chineke na-ahụ ọtụtụ nde ndị ezigbo nne ka ha n'agugù ụmụ ha akwa, n'elekọta ha anya n'abalị. Ọ na-ahụ ndị nna dị ịhụ n’anya na-akụziri ụmụ ha nwaanyị otu esi agba ígwè. Ọ na-ahụ ka ndị dike n'achụ ndụ ha na udo nkeonwe ha ka àjà iji napụta ndị ọzọ.

Mgbe Chineke na-ahụ ọgbaghara a nke ihe akpọrọ mmadụ—ndị ọma na ndị ọjọọ—kedụ ihe n'adị Ya n'obi? Ana m atụ aro na otu ajụjụ a—Kedụ otú Chineke si ahụ m?— n'aza ajụjụ niile nke ụmụ mmadụ dum na-ajụ.

Chineke na-ahụ ihe mebiri emebi dị ebube Ọ na-agụsi Ya agụụ ike iweghachi.

• Dị Ebube. Emere gị n’oyiyi Chineke. Ị nwere uru na ùgwù nke onye ọbụla n'enweghị ike ịnapụ gị.
• Dị Mmebi. Dị ka mụ na onye ọbụla ọzọ ị ga-ezute, ihe ọjọọ dị n'ụwa emetụla gị aka ruo n'ókè ụfọdụ.
• Dị Nkwesị Mweghachi. Chineke chọrọ iweghachi gị na otu Ọ sịrị mee gị na mbụ. Ọ chọrọ ka ị na-ebi ndụ na-enweghị ihe mmebi ọbụla dị na ya; nke egwù ọnwụ adịghị na ya; nke n'enweghị nkewa, ihe mgbu, ntirisi, ma ọ bụ ụdị ihe ọjọọ ọbụla.

Mmadụ ọbụla, n'agbanyeghị otú o si dị njọ, dị ntirisi, ma ọ bụ bụrụ onye afọ ọjọọ, ka bu n'ime ya akara na ihe ngosi nke ebube mbụ a Chineke nyere mmadụ niile.

N'otu oge ahụ kwa, mmadụ ọbụla, n'agbanyeghị otú ọ si dị nkà, nwe omume ọma, ma ọ bụ bụrụ ezigbo mmadụ, ka dị mmetọ ruo n'ókè ụfọdụ site n'ihe ọjọọ nke jupụtara n'ụwa a na mmehie nke anyị niile meworò nhọrọ.

Na Ndị Efesọs 2:10, Chineke na-akọwa gị dị ka ihe mmepụta Ya kachasị dị mma, poemaa kwọrọ aka mee; nke ahụ bụ okwu Grik anyị si nweta okwu anyị bụ "poem." Na mgbe ebighị ebi, anyị bụ ndị tụkwasịrị Nna-anyị-ukwu obi na Ọ ga-eweghachi anyị ga-egosipụta mmuke Ya, na-ekwupụta na ọ bụghị nanị na Ọ bụ onye kachasị dị ike n'eluigwe na n'ụwa, ọ bụghị nanị na Ọ bụ Onye Okike n'enweghị onye ma ọ bụ ihe aga-eji tụnyere Ya, ma Ọ bụkwa Onye Mgbapụta Kasịnụ, Onye na-eweghachi ihe onye iro zubere ibibi. Nke a bụ onye anyị bụ n’ime Kraịst.

Kedụ akụkụ nke ndụ gị ị maara nke ọma maka ọnọdụ gị dị 'mmebi'? Kedụ akụkụ nke ndụ gị ọ kacha dị gị mkpa iji ike “nweghachi” nke Chineke mee ka ị dị ọhụrụ?