Штуршок радасціУзор

Цар Давід ведаў, наколькі важна гаварыць сваёй душы, каб яна дабраслаўляла Госпада! Ваша душа - гэта тое месца, дзе нараджаюцца вашыя пачуцці, эмоцыі і жаданні, і, на жаль, ваша душа не заўсёды хоча дабраслаўляць Госпада. У вашым жыцці будуць моманты, калі вашай душы будзе хацецца паскардзіцца і яна будзе патрабаваць свайго права быць пачутай. У такія моманты, вам трэба ставіцца да сваёй душы так, як вы ставіцеся да двухгадовага дзіцяці, які выйшаў з-пад кантролю! Вы павінны загадаць сваёй душы, як Давід, каб яна дабраслаўляла Госпада! Ваш дух павінен быць той часткай унутранага чалавека, якая прымае рашэнні ў жыцці. На жаль, у нашым 21-ым стагоддзі, свет напоўнены псіхалагічнай балбатнёй і мы аддаем перавагу душы і амаль не заўважаем дух. Вы ніколі не здолееце хадзіць верай, а не бачаннем, калі вы дазволіце вашай душы быць галоўнай. Нашы душы кіруюцца абставінамі, але наш дух водзіцца Духам Божым і Словам Божым. Не дазваляйце вашай душы кіраваць вашым духам, не звяртаючы ўвагі, наколькі гучна ваша душа патрабуе свайго! Ваша душа будзе весці жаласлівыя размовы, напрыклад: "Музыка занадта гучная. Я буду проста сядзець тут і крытыкаваць." "Я занадта стаміўся, каб удзельнічаць у служэнні". "На гэты раз я не магу дазволіць сабе аддаць грошы на ахвяраванне". "Я занадта стомлены, каб ісці на вывучэнне Бібліі. Мне баліць галава. Магчыма, гэта нейкая пухліна." Але калі гаворыць ваш дух, гэта больш падобна на Слова Божае! "Мне падабаецца ахвяраваць з радасцю!" "Я адмаўляюся хвалявацца... Я выбіраю давяраць Богу, што Ён задаволіць усе мае патрэбы!" "Я так удзячны, што гэтая царква пакланяецца Богу ад усяго сэрца!" Трэніруйце свае духоўныя мышцы і дазвольце вашаму духу кіраваць вамі і кантраляваць рэакцыі вашай душы на жыццёвыя абставіны.