Штуршок радасціУзор

Якая дзіўная парада ад чалавека, які знаходзіцца ў турме! "Радуйцеся заўсёды ў Госпадзе! І яшчэ раз гавару: радуйцеся!" Гэта парада Паўла з камеры рымскай турмы першага стагоддзя настойліва звяртаецца да вашага сэрца ў 21-ым стагоддзі: ваш унутраны стан не павінен адлюстроўваць знешнія абставіны! Павал сказаў гэта двойчы, таму я зраблю тое самае! "Ваш унутраны стан не павінен адлюстроўваць знешнія абставіны!" Так лёгка ўпасці ў роспач з-за непрыемных абставін або паддацца спакусе ўспрымаць нязначныя падзеі занадта сур'ёзна. У жыцці заўсёды будуць сітуацыі, з-за якіх вы можаце адчуць сябе няшчаснымі, непрадуктыўнымі або нават эмацыйна слабымі. Але ў вашым жыцці ніколі не павінна быць такой падзеі, якая будзе перашкаджаць вам радавацца! Нішто ніколі не павінна скрасці вашу радасць. Гэта магчыма толькі ў тым выпадку, калі вы радуецеся "ў Госпадзе". Гэта немагчыма для нашай чалавечай сутнасці, але сапраўды магчыма ў Госпадзе! Ваша радасць - гэта вынік погляду ўверх, калі вы глядзіце на твар самога Госпада! Калі вы глядзіце толькі перад сабою, то куды б вы не кінулі свой позірк, вы будзеце бачыць толькі пустую і бясплодную пустэчу існавання. Але калі вы вырашыце падняць свае вочы на твар вашага Айца, вы будзеце зачараваныя Ягонай любоўю... Ягоным спакоем... і Ягонай дабрынёю! Калі цвёрда вырашыце сёння глядзець уверх, а не перад сабою, у вас не будзе часу скардзіцца, бо вы будзеце захопленыя радасцю Ягонай прысутнасці. Вас больш не будзе хваляваць расчараванне, бо вы будзеце цалкам захопленыя пакланеннем Госпаду, якое стане дадам вашага жыцця. Слова "дэпрэсія" знікне з вашага лексікону, і вы будзеце танцаваць на сваім жыццёвым шляху!