Штуршок радасціУзор

Пасланне да Піліпянаў - адно з самых кароткіх пасланняў у Новым Запавеце; яно напісана Паўлам пры цьмяным святле акна ў рымскай турэмнай камеры. Вядома, чалавек, які апынуўся на самым дне жыцця, мае права напісаць ліст са скаргай да кіраўніцтва! Цалкам натуральна што, чалавек, у ранах і сіняках за тое, што ён вырашыў прапаведаваць Евангелле, павінен хоць адзін раз даць выйсце сваім эмоцыям або распавесці сваю версію таго, што адбылося! Ніхто з нас не стаў бы абвінавачваць вялікага Апостала Паўла, калі б ён вырашыў быць "самім сабою" і падзяліўся з намі сваім расчараваннем у Богу... у жыцці... і ў тым, як з ім абышліся. Замест гэтага ў кароткім лісце да малавядомай царквы, якая існавала амаль 2 тысячагоддзі таму назад, Павал выкарыстоўвае словы "радасць" або "радавацца" не меней за 14 разоў! На жаль, мы лічым, што кожны, хто нас ведае, адзначыць на нулі ўзровень нашай радасці на радары жыцця. Мы адчуваем сябе страшэнна задаволенымі сабою, спяваючы ў царкве, нават калі па дарозе ў царкву ў нас адбылася прыкрая спрэчка з мужам. Мы дакладна можам засвоіць адзін урок з жыцця Паўла - каб быць хадзячай і размаўляючай дэманстрацыяй нябеснай радасці, нам не абавязкова чакаць ідэальных абставін жыцця! Сёння разам з Паўлам я выбіраю радасць! А вы?