Штуршок радасціУзор

Вы калі-небудзь задумваліся аб тым, чаму вы не здолелі далучыцца да цудоўнай, поўнай і дасканалай радасці, пра якую расказвае Біблія? Магчыма, ваша расчараванне вынікае з таго, што вы шукалі радасць не там, дзе трэба. Калі вы лічыце, што каштоўны дыплом аб вышэйшай адукацыі, бездакорна чысты дом або пяцёра добра выхаваных дзяцей - гэта ваш пароль для увахода ў Царства радасці... вы глыбока памыляецеся. Калі вы думаеце, што скінуць 12 кілаграмаў або выйсці замуж за чалавека вашай мары, або валодаць пашпартам, запоўненым штампамі з экзатычных і самых далёкіх куточкаў нашай планеты, дапаможа вам атрымаць стоадсоткавую гарантыю дасканалай і вечнай радасці... зноў жа, дружа... вы глыбока памыляецеся. Радасць можна знайсці ў адным і толькі ў адным месцы... "Паўната радасці перад абліччам Тваім!" Калі вы хочаце мець настолькі ўсеабдымную радасць, што яна будзе мацнейшай за ўсе астатнія абставіны вашага жыцця, вы павінны праводзіць час у прысутнасці Божай. Калі вы адчайна маеце патрэбу ў радасці, якая дакладна здолее пераадолець усе дэпрэсіўныя сітуацыі у вашым жыцці, тады вы павінны зрабіць выбар - пастаянна знаходзіцца ў Ягонай прысутнасці. Як гэта зрабіць? На самай справе, гэта не так і складана. Вы робіце прыярытэтам штодзённае чытанне Бібліі... вы ўключаеце гімны пакланення і нават можаце спяваць разам! Калі ж вы вельмі смелыя і адчайныя... падчас пакланення вы падымеце свае рукі ўгору, аддаючыся ва ўладу Бога. Яшчэ адна цудоўная магчымасць - штодзённа праводзіць час у малітве. Толькі вы і Ісус. Проста зачыніце дзверы ў свой пакой, схіліцеся каля сваёй пасцелі, каб ад шчырага сэрца пагаварыць з Тым, хто ведае вас найлепей і любіць вас найбольш. Калі вы устанеце з кален і выйдзеце за дзверы свайго пакоя, каб сутыкнуцца з гэтым светам... вы зразумееце, што вы не самотныя. На працягу ўсяго дня побач з вамі будзе новы найлепшы сябар. Як зваць вашага новага найлепшага сябра? Вы можаце называць яго проста... Радасць!