Штуршок радасціУзор

Цёмнай і халоднай Віфлеемскай ноччу пастухі сядзелі вакол цьмянага вогнішча, якое крыху сагравала іх. Пастухі былі неадукаванымі, належалі да ніжэйшай ступені грамадства, яны не вельмі разбіраліся ў сур'ёзных справах і пах ад авечак нязменна суправаджаў іх. Пастухі не мелі ніякай надзеі на паляпшэнне свайго жыцця... ніякай надзеі на валоданне ўласнай зямлёй... ніякай надзеі на тое, каб прасунуцца вышэй у грамадстве. Іх манатоннае жыццё заставалася нязменным... проста ноч за ноччу бляянне авечак і звыклыя жарты каля старога вогнішча. Іх жыццё круцілася вакол неспакойных, непаслухмяных, брудных авечак. І вы яшчэ лічыце дрэнным сваё жыццё?! Адной такой ноччу, калі яны дрыжэлі і змагаліся са сном, нябёсы уварваліся ў іх малы, цёмны свет. Спеў анёлаў разнёсся над зямлёй, дзе заўсёды працягваецца духоўная барацьба, і для іх цёмнага, халоднага існавання была абвешчана радасць нябёсаў. Зоркі святочна мігацелі, калі расчыніліся нябёсы, і хор анёлаў урачыста спяваў магутную сімфонію, якую мы можам пачуць і сёння. "Вось я прыношу вам добрую вестку аб вялікай радасці, якая будзе для усіх людзей!" Ісус прыйшоў у наш свет з радасцю, і дагэтуль Ягоным падарункам з'яўляецца радасць. Ягоная прысутнасць у вашым жыцці цудоўным чынам знішчае цемру і дае надзею. Першае слова, якім апісваецца нараджэнне Ісуса - гэта слова "радасць"! Я лічу, што гэта слова павінна быць першым словам для апісання і вас. Радасць - гэта радзімая пляма хрысціяніна, і яна павінна сачыцца з кожнай эмацыйнай і духоўнай часткі вашага цела. Вы створаны для жыцця з нябеснай радасцю, і зараз прыйшла ваша чарга спяваць песню анёлаў! Мэтай вашага жыцця павінна быць распаўсюджванне прысутнасці Хрыста ў нашым безнадзейным і цёмным, халодным свеце. Марыя нарадзіла Хрыста ў нас свет, каб мы маглі стаць носьбітамі нябеснай ДНК. Нябесная ДНК чытаецца як "Р-А-Д-А-С-Ц-Ь", і яна адчайна патрэбна гэтаму цёмнаму, халоднаму свету, у якім вы жывяце!