Штуршок радасціУзор

Радасць - гэта не натуральная рэакцыя на жыццё, а звышнатуральная рэакцыя на жыццё. Вось чаму радасць - гэта плод Духа, а не вашай асобы. Радасць - гэта не спантанная рэакцыя на вашы абставіны, а цудоўны момант у цёмным і паміраючым свеце, калі Божая прысутнасць праяўляецца ў вашым жыцці. Радасць, якую вы перажываеце і дэманструеце, нараджаецца праз адносіны з Богам. Вы не створаны для дэпрэсіі або для праяўлення незадаволенасці; вы не створаны для плётак або горычы. Вы не створаны для таго, каб караць маўчаннем вашага мужа, ствараць праблемы ў царкве або ў гневе крычаць на вашых дзяцей. Вы створаны для радасці! Што адбудзецца, калі замест таго, каб заправіць машыну бензінам, я, каб сэканоміць крыху грошай, я запоўню бензабак пяском? Я не толькі не дабяруся да месца прызначэння, але і сапсую машыну! Такі ж сумны вынік атрымліваецца, калі хрысціяне запаўняюць сваё жыццё дэпрэсіяй, гневам або горыччу. Вы ніколі не дасягнеце свайго месца прызначэння ў гэтым жыцці. Вы створаны, каб быць пладаносным хрысціянінам! Вы ніколі не прынясеце той плод, да якога вы створаны, калі не будзеце мець адносін з Ісусам. Кожны дзень... с самай раніцы і да самага вечара проста разважайце аб тым, хто Ён такі і аб усім, што Ён зрабіў для вас. Узбагачайце ваша жыццё Словам Божым, малітвай і праслаўленнем. І чым больш месца ў вашым жыцці займае Хрыстос, тым больш радасці вы будзеце мець!