Штуршок радасціУзор

Як чалавек можа мець радасць у той час, калі ён спустошаны або праходзіць праз выпрабаванне? Гэта гучыць занадта духоўна, каб быць практычным. І наогул, за каго нас прымае Дух Святы? За Маці Тэрэзу, Паліяну або Мэры Попінс?! Выбіраць, каб быць радасным хрысціянінам, нягледзячы на надзвычайны чалавечы боль, падаецца занадта ўзнёслым для большасці людзей ... і проста нерэальным для астатніх. Як можа нехта ў здаровым розуме разглядаць выпрабаванні як прычыну для радасці?! Чаму... гэта ж поўны абсурд! Гэта неімаверна ў лепшым выпадку... калі, вядома, вы не ведаеце Ісуса. У такім выпадку радасць пасярод расчаравання становіцца сапраўднай і вельмі рэальнай! Ісціна знаходзіцца ў наступным: мы здольныя адчуваць радасць незалежна ад траўмы або трагедыі, таму што нішто не здольна аддзяліць нас ад Ягонай прысутнасці. І менавіта ў Ягонай прысутнасці заўсёды адчуваецца паўната радасці. Ні смерць, ні хвароба не могуць пазбавіць нас сілы і суцяшэння ад Ягонай прысутнасці. Фінансавы крах, праблемы ў адносінах і нават разбітае сэрца не валодаюць сілай, дастатковай для таго, каб пазбавіць Ягоных дзяцей Бацькоўскай любові і пяшчотнага клопату. Развод не можа пазбавіць вас доступу да Ягонай любові, а непаслухмяныя дзеці не здолеюць аддаліць вас ад таго, Кім Ён з'яўляецца. Мы павінны выбіраць радасць у сітуацыях, калі яна не будзе самай натуральнай рэакцыяй. Калі мы злуемся на людзей... расчараваны жыццём... пакутуем ад гора... і мучымся ў дэпрэсіі... Якаў паказвае нам на больш здаровую альтэрнатыву: РАДАСЦЬ! Зямныя абставіны здольны скрасці нашае шчасце, але не нашу радасць! Таму, наступны раз, калі вы сустрэнецеся з выпрабаваннямі, не апускайцеся ў дэпрэсію, а замест гэтага падлічыце ўсе прычыны, чаму вы здольныя быць насычаным радасцю хрысціянінам! Радасць - гэта сапраўды лакмусавая паперка, якая вызначае, ці правільна вы выбралі свой шлях у прысутнасці Бога або збіліся з правільнай дарогі.