Штуршок радасціУзор

Турботы або страх можна проста вызначыць, як недахоп даверу да Бога, Які любіць вас безумоўна і Які ўсё робіць для вашай карысці. Калі вы паглынутыя клопатамі, вы памылкова лічыце, што вашыя праблемы занадта вялікія нават для Бога, каб справіцца з імі. Калі вы перапоўненыя страху, вы памылкова лічыце, што ваш грэх настолькі вялікі, што нават Бог не можа дараваць вам. Калі вы маеце справу з трывогай, то, на жаль, вы памылкова пераканалі сябе, што ваша жыццё настолькі выйшла з-пад кантролю, што ў Бога не хопіць сілы навесці ў ім парадак. Калі вы пакутуеце ад кампульсіўнага хвалявання, вы ніколі не адчуеце той радасці, якая павінна належаць вам. Хваляванне і радасць - узаемавыключаныя паняцці. Хваляванне, у сваёй самай грубай праяве - гэта жаласная форма атэізму. Як пераадолець неспакой, страх і трывожнасць? Біблія гаворыць, што спакой- гэта вынік даверу да Бога. Вы давяраеце Яму? Вы будзеце давяраць Яму сёння? Ці можаце вы гучна абвясціць: "Ісус, я давяраю Табе ад усяго сэрца! Я веру, што для Цябе няма нічога немагчымага і ў Цябе ёсць добрыя планы для майго жыцця!" Калі вы напоўніце свой розум і душу Словам Божым, вы будзеце свабоднымі ад страху перад злом. Калі вы спазнаеце, Хто такі Бог і што Ён здольны здзейсніць у вашым жыцці, тады трывога, хваляванне і страх цудоўным чынам знікнуць. І што застанецца на месцы гэтых жудасных эмоцый? Вы апынецеся дабраславёным атрымальнікам радасці!